Bolalarga zo'ravonlik ko'rsangiz, 1246 ga qo'ng'iroq qiling

Ijtimoiy himoya milliy agentligi bolalar xavfsizligi uchun maxsus koll-markaz ochdi. Raqami: 1246. Hozircha sinov rejimida ishlayapti.

Quyidagi holatlarda murojaat qilish mumkin:

• Bolaga jismoniy, ruhiy yoki jinsiy zo'ravonlik
• Beparvolik va shafqatsiz munosabat
• Bolaning hayoti yoki sog'lig'iga xavf tug'diradigan boshqa holat

Qo'shningizdagi bir bolaga, ko'chamizda biror narsaga guvoh bo'ldingizmi? Jim o'tirmang. Murojaatchi shaxsi sir saqlanadi, ya'ni ismingiz hech kimga aytilmaydi.

Raqamni telefon daftaringizga saqlab qo'ying. Kerak bo'lmasa yaxshi, lekin kerak bo'lib qolsa, qidirib o'tirmaysiz.