Ko'p televizor ko'rish miya hajmini kichraytiradi
Janubi Kaliforniya universiteti olimlari 1 700 dan ortiq kishini 24 yil kuzatdi. O'rta yoshda televizorga berilib ketganlar, vaqt o'tgach, miyada sezilarli o'zgarishlarni boshdan kechirgan.
🔬 Nima aniqlashdi?
Tadqiqot boshida ishtirokchilarning yoshi o'rtacha 53 bo'lgan. Dam olishda qancha televizor ko'rishlari, ishda esa qancha o'tirishlari so'ralgan. 24 yil o'tgach, MRT skanerlash o'tkazilgan.
Televizorni "juda tez-tez" ko'rganlar:
- Xotira va idrok uchun muhim miya bo'limlarining hajmi kichroq bo'lgan
- Frontal va oksipital bo'laklar kichraygan
- Oq moddada demensiya va kognitiv pasayish bilan bog'liq shikastlanishlar ko'proq uchragan
- Bu o'zgarishlar asosan erkaklarda yaqqol ko'ringan
📉 Ofisda o'tirish aksincha natija berdi
Ish vaqtida stol ortida o'tiruvchilar, yozishmalar, rejalashtirish va qarorlar qabul qilish bilan band bo'lganlar, keyinchalik miya hajmi katta va tuzilmasi sog'lom bo'lib chiqdi.
Olimlarga ko'ra, faol fikrlash jarayoni bilan o'tirish va televizor oldida passiv o'tirish miyaga turlicha ta'sir qiladi. Bosh tadqiqotchi David Raichlen shunday deydi: "Biz qancha o'tirishimizga e'tibor qaratib kelganmiz. Bu natijalar esa qayerda va nima qilib o'tirishimiz ham muhimligini ko'rsatadi."
Nega erkaklar uchun xavf kattaroq?
Tadqiqotchilar buni hali to'liq tushuntirolmaydi. Ehtimol, ayollar televizor ko'rayotganda tez-tez o'rnilaridan turishadi yoki dam olish vaqtini bo'laklaydi. Yoki ikkala jinsdagi miya qarish biologiyasida farqlar bor. Qo'shimcha tadqiqotlar kerak.
Amaliy tavsiya
Har yarim soatda bir bor turib cho'zilish yoki biron narsa bilan qo'lni band qilish miyaga yordam beradi. Bolalar ko'p televizor ko'radigan bo'lsa, bu tadqiqot sababini tushuntirib beradi: miya uchun faol vaqt passiv tomosha qilishdan muhimroq.
