Humanoid robot birinchi marta tirik hayvonga laparoskopik operatsiya qildi
Humanoid robotlarni zavod va sport maydonlarida ko'rgan bo'lsangiz kerak. Keyingisi esa operatsiya xonasi bo'lishi mumkin.
San-Diyego universiteti (UCSD) jarrohlar va muhandislari birgalikda yangi tajriba o'tkazdi: tele-boshqariladigan humanoid robot cho'chqalarda o't pufagi olib tashlash operatsiyasini muvaffaqiyatli amalga oshirdi. Natijalar 2026-yilning iyulida Nature jurnalida chop etildi.
Robotning laqabi «Surgie». Bo'yi 152 sm, vazni atigi 27 kg. An'anaviy jarrohlik robot tizimlari esa taxminan 820 kilogramm keladi. Surgieni bir kasalxonadan ikkinchisiga ko'chirish yoki samolyotga yuklash qiyin emas.
Operatsiya qanday o'tdi?
Birinchi operatsiyada jarroh konsoldan Surgieni boshqargan, ikkinchi shifokor esa yonida yordam bergan. Ikkinchi operatsiyada ikkita Surgie birgalikda ishlagan. Ikkalasi ham muvaffaqiyatli yakunlangan. Bir holatda kichik qon ketish bo'lgan va tezda to'xtatilgan.
Jarroh Ryan Broderick: "Texnologiya bilan ishlash mavjud tijorat robotlari bilan ishlashga o'xshash edi. Ba'zi kechikishlar va qayta sozlash talab qilindi, lekin bu konsepsiya bosqichi uchun kutilgan holat."
G'oyadan amaliyotgacha atigi 9 oy ketdi. Da Vinci jarrohlik tizimi shu bosqichga yetishiga o'n yillar ketgan edi.
Kelajakda bunday robotlar resurslar yetishmovchi hududlarda, xavfli muhitda yoki kosmosda masofadan operatsiya qilish imkonini berishi mumkin. Jarroh Shanglei Liu aytganidek, bu texnologiya uni UCSD devorlaridan tashqariga chiqarib, yordam ko'rmagan joylardagi bemorlarga ham yetib borish imkonini beradi.
