Sangardakda 1,6 km kanat yo'li va olti mehmonxona qurilmoqda

Surxondaryo viloyatining Sariosiyo tumanida joylashgan Sangardak oldindan ham sayyohlarga tanish edi. Dengiz sathidan 3 000 metr balandlikda, taxminan 150 metrdan qulab tushadigan sharshara bu maskanning o'ziga xos belgisi.

2024-yil dekabr oyida Prezident farmoni bilan bu yerda yirik turistik markaz barpo etish qaror qilindi. 615 gektarlik hududda amalga oshirilayotgan loyihaning umumiy qiymati 913,3 milliard so'm.

Avstriya-Shveytsariya kompaniyasi "Doppelmayr" 1,6 km uzunlikdagi kanat yo'lini o'rnatmoqda, tayanch ustunlari allaqachon tayyor. Loyihada boshqa ob'yektlar ham bor.

• 20 dan ortiq restoran, kafe va bar
• 296 do'kon
• 6 mehmonxona, ikki tasi besh yulduzli
• 10 ta mehmonxona-turarjoy
• Sanatoriym va rekreatsiya zonalari

Qurilish 2027-yilgacha bosqichma-bosqich yakunlanishi rejalashtirilgan.

Sangardak sharsharasi asosan aprel oyida jonlanadi. Qachon paydo bo'lishi, qachon to'xtashini mahalliy aholi ham oldindan bilmaydi. Kanat yo'li esa bu manzarani tepadan kuzatish imkonini beradi.