O'zbekistonning uchta universiteti 2026-yilgi Erasmus Mundus magistrlik dasturlarida sherik bo'ldi
Yevropa Komissiyasi bu safar 37 ta Erasmus Mundus qo'shma magistratura dasturini moliyalashtirish uchun tanladi. Shulardan uchtasida o'zbekistonlik oliy ta'lim muassasalari sherik sifatida qatnashmoqda:
- TATU Qarshi filiali: SMARTLight dasturi (6G telekommunikatsiya texnologiyalari)
- Beruni nomidagi Toshkent davlat texnika universiteti: ME3-4S dasturi (atrof-muhit va energetika muhandisligi)
- Toshkent Turin Politexnika universiteti: CNE dasturi (kimyoviy nano-muhandislik)
Erasmus Mundus magistraturasi degani nima? Bir nechta Yevropa universiteti birgalikda olib boradigan dastur. Talabalar turli davlatlarda tahsil oladi, Yevropa Ittifoqi esa stipendiya ajratadi.
Ariza topshirish 2026-yil kuzida boshlanadi, o'qish esa 2027-yil sentyabrdan. Kuz yaqin, stipendiyaga raqobat qattiq bo'ladi. Shu bois hujjatlarni hozirdan tayyorlab qo'yish kerak: ilmiy maqolalar, loyiha tajribasi, B2/C1 til sertifikatlari.
