O'z motoriga ega kemping treyleri: bir hafta elektrsiz, 80 000 dollarga
Aboard T4 kemping treyleri o'z motoriga ega. Ichida 41 kVt batareya va benzin generator bor, orqa o'qida esa elektr motor.
Generator va batareya birgalikda bir to'ldirishda 200 kVt soat energiya beradi. Bu haftaga yetadi, quyosh bo'lsa undan ham ko'proq: tomida 600 Vt quvvatdagi quyosh panellari ham qo'shiladi.
Orqa o'qdagi motor treyler arqon kuchini doimiy o'lchab, kerak bo'lganda mashinaga qo'shiladi yoki tormozlaydi. Aboard bu tizimni Shadow Drive deb ataydi. Kichikroq mashinalar uchun ham katta treyler tortish shu tariqa osonlashadi.
Ichida:
● Oshxona: induksion plita, 170 litrlik muzlatgich, mikroto'lqinli pech, yuvish joyi
● Ikki qo'sh yotoq joyi (divan va ovqatxona kreslo-divani tungi holatga o'tadi)
● Alohida hammom va tashqi issiq dush
● Smartfon ilovasi orqali boshqarish, avtomatik tekislash tizimi
Narxi 80 000 dollar, taxminan 1 milliard so'm. Bu sinfidagi eng yaqin raqobatchi 113 500 dollardan boshlanadi. Bron uchun 100 dollarlik qaytariladigan depozit yetarli, yetkazib berish 2026-yil oxirida boshlanadi.
