HUAWEI Pura 90s Pro Max jahon bozorida: 200 megapiksellik telefoto kamera va 5G

HUAWEI Pura 90s Pro Max global bozorga rasman chiqdi.

Asosiy diqqat kameraga qaratilgan: 200 megapiksellik telefoto linza 4 karra optik va 20 karra yo'qolishsiz zum imkonini beradi. Masofadagi ob'ektni kattalashtirsa ham surat sifati saqlanib qoladi. Taqdimot davomida fotograf Sergey Poletaev bu imkoniyatni jonli namoyish qildi.

Yana bir muhim o'zgarish: 5G qaytdi. Savdo cheklovlari sababli Huawei'ning jahon uchun versiyalari yillar davomida 4G rejimida ishlagan. Pura 90s seriyasida o'rnatilgan yangi Kirin 9030S protsessor bu muammoni bartaraf etdi.

• 6,9 dyuymli LTPO OLED ekran, 120 Gts yangilanish tezligi
• 6000 mAh batareya, 100 Vt simli va 80 Vt simsiz zaryadlash
• IP68 va IP69 suv himoyasi
• Kunlun mustahkamlangan shishasi

Narxi global bozorda taxminan 1300 dollar (taxminan 16 million so'm atrofida). Pura seriyasi ranglar bilan ham ajralib turadi: to'q ko'k, pushti va qora tanlovlari mavjud.