Bel og'rig'ini bitta ukol bilan davolash sinovi yakunlandi

Avstraliyadagi Mesoblast biotexnologiya kompaniyasi 350 nafar bemorni qamrab olgan uchinchi bosqich klinik sinov davrasini yakunladi. Ishtirokchilarning yarmi rexlemestrocel-L preparatini, qolgan yarmi soxta ukol oldi. Bir yil davomida kuzatuv davom etadi va natijalar 2027-yil o'rtasida ma'lum bo'ladi.

🔬 Preparat inson suyak iligidan olingan hujayralarga asoslanadi va disk ichiga bir martalik ukol orqali kiritiladi. Umurtqa orasidagi disklar yillar davomida yeyilib ketganda suyaklar bir-biriga ishqalanib og'riq paydo bo'ladi. Bu dori og'riqni bosish o'rniga shikastlangan to'qimani tiklab bormoqchi.

12 oy o'tgach olimlar og'riq qanchalik kamayganini, faollik va hayot sifati oshganini, og'riq qoldiruvchi doridan voz kechish mumkin bo'lganini baholaydi.

Natija ijobiy bo'lsa, kompaniya 2027-yilning uchinchi choragida Amerika dori nazorati idorasi (FDA) tomonidan rasmiy tasdiqlash uchun ariza bermoqchi. Preparat allaqachon FDA tomonidan regenerativ terapiya maqomini olgan va bu ma'qullash jarayonini tezlashtiradi.

Faqat AQShda 7 milliondan ortiq kishi surunkali bel og'rig'idan aziyat chekadi. Bitta ukol bilan uzoq muddatli yengillik berishi mumkin bo'lsa, bu soha uchun katta yangilik bo'lardi.