Bilim Hack

Xavfsizlik kamari: 1-noyabrdan kameralar aniqlaydi, jarima 220 000 so'm

2026-yil 1-noyabrdan yo'l harakati qoidabuzarliklarini qayd etadigan kameralar taqilmagan kamarni ham aniqlay oladi. Vazirlar Mahkamasining 29-oktabrdagi 596-son qarori xususiy foto va video qayd etish kameralariga kamar taqmagan haydovchilarni aniqlashga ruxsat beradi. Kamera haydovchining yuzini suratga olib, kamar taqilgan-taqilmaganini ko'rsatadi. Qoidabuzarlik haqidagi ma'lumot «Ma'muriy amaliyot» tizimiga yuboriladi.

Kamar uchun jarimaning o'zi oshgani yo'q. Faqat qoidabuzarlikni aniqlab, qayd etish usuli o'zgardi.

📉 Jarima qancha

Ma'muriy javobgarlik to'g'risidagi kodeksning 125-moddasiga ko'ra, jarima bazaviy hisoblash miqdorining 0,5 baravariga teng. 2026-yil sentabrdan bazaviy hisoblash miqdori 440 000 so'm. Demak, jarima 220 000 so'm bo'ladi. Jarima haydovchiga ham, yo'lovchiga ham solinadi.

Shahar ichida kamarni tortib qo'yishga erinib qilgan bitta safaringiz shuncha pulga tushadi.

  • Kamarni birinchi chorrahani kutib o'tirmasdan, mashina harakatlana boshlaguncha taqib oling.
  • Mashina turganida yo'lovchilardan ham kamar taqishni so'rang.
  • Bozorga yoki maktabga qisqa yo'l ham safar hisoblanadi. Necha kilometr yurganingiz kameraga baribir.
  • Sog'lig'ingiz tufayli kamar taqishingiz mumkin bo'lmasa, qanday hujjatlar kerakligini DAN (DXX) dan aniqlab oling. Kamar taqmasa bo'ladigan kasalliklar ro'yxati alohida belgilab qo'yilgan.

Kamar mashinaga aynan keskin tormoz berilganda tana oldinga otilib ketmasligi uchun o'rnatilgan. Kamar taqish odati bir-ikki soniyani oladi, jarima esa oila byudjetiga o'ylaganingizdan ham og'irroq tushadi.

O‘xshash maqolalar

Yangi maqolalar Telegram kanalimizda birinchi bo‘lib chiqadi

@bilim_hack
← Havfsizlik