Uyquni yaxshilash talabalarning bahosini ko'tarishi isbotlandi

Ko'p tadqiqotlar uyqu va o'qish bahosi o'rtasida kuchli bog'liqlik borligini ko'rsatgan. Pittsburgh universiteti iqtisodchisi Giuntella va hamkasblari esa bu bog'liqlik sababiy ekanini birinchi marta isbotladi. 1149 talaba bilan o'tkazilgan dala tajribasi natijalari Journal of Political Economy jurnalida e'lon qilindi.

Tajriba boshida talabalar kechada o'rtacha 6,6 soat uxlar, har to'rt kechaning birida esa 6 soatdan kam dam olar edi. Sinov guruhiga Fitbit bilakuzuq taqib, kechada 7 soat uxlash maqsadini bajarganlari uchun bir kechaga 4,75 dollar (taxminan 57 ming so'm) to'landi. To'rt hafta ichida bu guruhda 7 soatlik normni bajargan kechalar 26 foizga ko'payib, o'rtacha uyqu muddati 19 daqiqaga uzaydi.

Mukofot to'xtagandan keyin ham talabalar avvalgi odatga to'liq qaytmadi, kundalik uyqu 8 daqiqaga ko'proq bo'lib qoldi. Rasmiy transkripllarni tahlil qilib, sinov guruhidagi talabalar o'sha semestrda 0,08 ballga ko'proq olgani, bu ko'rsatkich keyingi semestrada ham saqlanib qolgani ma'lum bo'ldi.

Bu usul hamyonbop ham bo'lib chiqdi. Yaxshi baho uchun stipendiya ko'rinishida pul mukofotlari beradigan dasturlar bor. Talabalarni yaxshi uxlashga rag'batlantirish bahoni xuddi shunday dasturlar qadar ko'targan, ammo bunga ketgan xarajat ancha kam bo'lgan.