Toshkentda evakuator uchun maksimal tarif tasdiqlandi
Toshkent hokimligi avtomobil evakuatsiyasi va jarima maydonchalarida saqlash to'lovining yuqori chegarasini belgilab, rasmiy tartibga kiritdi.
Narxlar BHM (bazaviy hisoblash miqdori) asosida hisoblanadi. Har bir kilometr uchun evakuatsiya xizmati BHMning 20 foizini tashkil etadi. Hozirgi hisobda bu taxminan 82 400 so'm. Jarima maydonida saqlash ham xuddi shuncha, lekin sutkasiga. Jami evakuatsiya narxi BHMning to'rt baravariga yetgandan keyin ko'paymaydi, ya'ni maksimal chegara taxminan 1 648 000 so'm.
Ilgari bu xizmatni turli xususiy kompaniyalar o'z narxida ko'rsatib, shahar miqyosida tarif belgilanmaganligi sababli evakuator chaqirish qancha turishi noma'lum edi. Yangi tarif tizimning shaffofligini oshirib, fuqarolarni asossiz to'lovlardan himoyalaydi.
Iyun oyida poytaxt hokimi 120 ta evakuator xarid qilish va yagona evakuatsiya tizimini joriy etish rejasini e'lon qilgan edi. Qaror shu rejaning davomi sifatida qabul qilindi.
