Startaplarga 6 million dollar: AI yo'nalishi tanloviga ariza topshirish muddati 1-avgust

Sun'iy intellekt sohasida loyiha ishlab chiqayotganlar uchun muhim xabar: "President AI Award" tanloviga ariza topshirish muddati 1-avgustda tugaydi.

Bu yil "President Tech Award" va "President AI Award" bir vaqtda ishga tushirildi. Ikki tanlovning umumiy investitsiya va mukofot fondi 6 million AQSH dollarini tashkil etadi.

"President AI Award" (1 million dollar) beshta yo'nalish bo'yicha loyihalar qabul qiladi:

• davlat boshqaruvi
• sanoat va biznes
• sog'liqni saqlash
• ta'lim
• yashil iqtisodiyot va agrotexnologiyalar

Har yo'nalishdan 3 ta g'olib topiladi, jami 15 ta startap investitsiya jalb qilish imkoniyatiga ega bo'ladi.

"President Tech Award" (5 million dollar) formatida esa g'oya bosqichidan yuqori o'sish ko'rsatkichlarigacha 70 tagacha jamoa qo'llab-quvvatlanadi. Bu tanlovga 30-avgustga qadar ariza topshirish mumkin.

Ikkalasida ham 18 yoshdan katta, 3 dan 8 kishilik jamoalar qatnashishi mumkin. O'zbekiston fuqarolari bilan birga mamlakatda doimiy yashovchi fuqaroligi bo'lmagan shaxslar ham ishtirok eta oladi.

Ariza: awards.gov.uz