AQSh fermalarida 9 oylik mavsumiy ish: o'zbekistonliklar uchun H-2A dasturi

Avgust oyida Texasdagi Head Honchos LLC kompaniyasi prezidenti Todd Miller Toshkent, Buxoro va Farg'ona viloyatlariga tashrif buyuradi. Tashrif O'zbekistonning AQShdagi elchixonasi tashabbusi bilan tashkil etilmoqda. Maqsad bitta: o'zbekistonliklarni AQSh qishloq xo'jaligi korxonalarida mavsumiy ishga joylashtirish tartibini rasmiylashtirish.

H-2A viza nima?

Bu AQSh federal hukumatining rasmiy mavsumiy qishloq xo'jaligi ish vizasi. Ish beruvchi viza olishda o'zi ko'maklashadi va turar joy ta'minlaydi. Muddat: 9 dan 10 oygacha. Oylik maosh taxminan 3 500 dollar, ya'ni taxminan 45 million so'm.

Rejalashtirilgan kelishuv nimani o'z ichiga oladi?

• Amerikalik ish beruvchilar talabiga mos kadrlar tayyorlash
• 8 dan 10 haftagacha davom etadigan tayyorlov kurslari: ingliz tili, mehnat qonunchiligi, fermerlik ko'nikmalari
• H-2A vizasini rasmiylashtirish jarayonida bevosita yordam

Delegatsiya Farg'ona viloyatidagi fermer xo'jaliklari va qishloq xo'jaligi korxonalari bilan ham bevosita tanishib chiqadi. Tashrif yakunida memorandum imzolanishi kutilmoqda. Aniq mezonlar va ro'yxatga olish tartibi e'lon qilinishini kuzatib boring.