Izotonik ichimliklar: issiqda tanani qanday qo‘llab-quvvatlaydi

☀️ Jaziramada tana nafaqat suv, balki foydali tuzlarni ham yo‘qotadi — natriy, kaliy, magniy ter bilan chiqib ketadi. Bu esa holsizlik, bosh og‘rig‘i va hatto mushak tortishiga olib kelishi mumkin.

💧Izotonik ichimliklar — tananing suv-tuz muvozanatini tiklaydigan maxsus ichimliklardir.

Foydasi nimada?
— Chanqoqni tezda bosadi;
— Yurak va mushaklar uchun kerakli minerallarni qaytaradi;
— Issiqda diqqatni saqlash va bardoshlilikni oshiradi.

Qachon ichish kerak?
— Issiqda jismoniy harakatdan keyin;
— Suvsizlanish belgilari bo‘lsa (og‘iz qurishi, holsizlik, bosh og‘rishi);
— Ko‘p terlaganingizda — ayniqsa quyosh ostida yoki issiq xonada.

Uy sharoitida tayyorlash mumkinmi?
Albatta! Mana oddiy retsept:

1 litr suv
1 choy qoshiq tuz
2 osh qoshiq shakar yoki asal
Yarimta limon yoki apelsin sharbati

Aralashtiring — tayyor! Tabiiy, foydali va ortiqcha qo‘shimchalarsiz.

⚠️ Qachon ehtiyot bo‘lish kerak:
— Buyrak kasalliklarida — tuzlar buyrakka ortiqcha yuk bo‘ladi
— Yuqori bosim bo‘lsa — natriy bosimni oshirishi mumkin
— Qandli diabetda — ko‘plab izotoniklarda shakar bor
— Agar tanadan suyuqlik chiqmagan bo‘lsa — oddiy suv yetarli
— Ozish maqsadida bo‘lsangiz — kaloriya miqdoriga e’tibor bering

💡O‘zbekiston bozorida Isostar, Gatorade, OSHEE kabi izotoniklar mavjud. Ularni supermarket, dorixona yoki sport do‘konlaridan topish mumkin.